فى ارضك يا مصر!!!!! عجب العجايب!!!!!!!!!!

فى أرضِكْ يا مصر

فى أرضِكْ يحِسْ الغريبْ إنُّه مصرى ..
وإحنا الأجانبْ .
ويلْقَى الرعايهْ .. ويلْقَى الحمايهْ ..
على كلْ جانبْ .
ويمشى فى ربوعِكْ .. ويشبعْ بجوعِكْ ..
ويعملْ مصايبْ .
ويرحلْ وينسى .. جِميلِكْ ويقْسَى ..
ويطْلَعْ يعايبْ .
ويرْجعْ تسامْحى .. يا ساكنه فْى ملامحى ..
يا سِتْ الحبايبْ .
ولادِكْ بَنُوكى .. بروحْهُمْ فَدُوكى ..
ويِشْهدْ عليهمْ ترابكْ فى سينا .
ومنهُمْ با عوكى .. عشانْ الشِيروكِى ..
وفيللَّا فْى مارينا .
يعيشوا فى خيرِكْ .. ويدُّوهْ لغيركْ ..
ولادْ اللَّذِينا .
ولوْ جارْ زمانْهمْ .. يعودُوا لْمكانهمْ ..
يلاقوا السَكينَهْ .
وتِنْسِى جحودْهمْ .. وتبكى عليهمْ ..
عنيكى الحزينهْ